कार्तिक १४, पोखरा!
रुटिङ अफ पोखरा सम्वाददाता !
हिजो मिति २०७८/०७/१३ गते, सबनम सुवेदी ज्यू को अध्यक्षतामा, गण्डकी युनेस्को क्लबले पोखरा उपमहानगरपालिका वडा नम्बर ६ को बाङ्लादी टोलमा अवस्थित शिवमादी धाम मा सामुदायिक स्वास्थ्य अभियान आयोजना गरेको थियो।
पोखरा विश्वविद्यालयका उपकुलपति तथा युनेस्को फेडेरेसन नेपालका पूर्वअध्यक्ष प्रो. प्रेम नारायण अर्याल ज्युको प्रमुख आतिथ्यमा वृक्षारोपण गरि कार्यक्रमको उद्घाटन गरिएको थियो। कार्यक्रममा करिव ६०-७० जनाको उपस्थिती रहेको थियो।
"स्वास्थ्य जीवन सुखी जीवन" भन्ने मुल नारालाई अघि सार्दै, पोखरा महानगर पालिका वडा नम्बर ६, बाङलादी टोलका करिव ५०-६० जना व्यक्तिहरुको बि. एम. आई र रगतचापको जाँच गरिएको थियो।
उक्त अभियानलाई अझै सान्दर्भिक बनाउन सरसफाई कार्यक्रम पनि गरिएको थियो।
कार्यक्रमको अन्त्यमा गण्डकी प्रदेशको सबै समुदायहरुमा यस्ता प्रकारका स्वास्थ्य कार्यक्रमहरु अति आवस्यक रहेको र यस खालका कार्यक्रमहरु भावी दिनहरुमा पनि अगाडि बढाउने पर्ने कुरा क्लबकी सचिव श्वेता रानाभाट ज्यूले जानकारी दिनुभएको छ।
Photo; ©Shweta Ranabhat
